26
октябрь
2023
І дәрежелі «Барыс» орденімен марапатталды
Республика күні қарсаңында Президент Жарлығымен Қонаев қаласы А.Жұбанов атындағы №5 орта мектептің химия пәні мұғалімі Ли Наталья Николаевна мемлекеттік наградамен марапатталды.
Ұлттық мереке – Республика күні қарсаңында Президент Қасым-Жомарт Тоқаевтың Жарлығымен еліміздің әлеуметтік-экономикалық, мәдени-рухани дамуына, халықтар арасындағы достық пен ынтымақтастықты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталды. Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдарының қызметкерлері, спортшылар, еңбек ардагерлері, мәдениет және ғылым қайраткерлері бар.І дәрежелі «Барыс» ордені еңбек ардагері, Қонаев қаласы А.Жұбанов атындағы №5 орта мектептің химия пәні мұғалімі Наталья Николаевна Лиге табысталды.Жалпы биылғы мемлекеттік наградаларды тағайындауда қарапайым азаматтарға басымдық берілді. Атап айтқанда, марапатталғандар арасында 298 ұстаз бен денсаулық сақтау саласының қызметкерлері, 259 ауыл шаруашылығы маманы, 119 еңбек ардагері, өндіріс саласының 88 жұмысшысы бар. Бұл – қарапайым еңбеккерлердің мәртебесін асыруға, қоғамдағы қадірін арттыруға бағытталған нақты қадам.